काठमाडौँ। सोमबार सेयर बजार मापक नेप्से परिसूचक घटेको छ । सोमबार नेप्से परिसूचक ३०.६ अंकले घटेर २५७०.१८ बिन्दुमा पुगेको हो ।

नेप्सेमा कुल ३६८ कम्पनीको ४ करोड १७ लाख २५ हजार ३२३ कित्ता सेयर खरिद बिक्री हुँदा ७ अर्ब ४६ करोडमाथिको सेयर कारोबार भएको छ ।

आज सबैभन्दा धेरै कारोबार एनएमबि डिबेन्चर ८.५०% – २०८७-८८ को भएको छ । यस कम्पनीको ४८ करोड ४६ लाख रुपैयाँ बराबरको कारोबार भएको छ ।

आजको बजारमा सामुदायिक लघुवित्त वित्तीय संस्था लिमिटेडका लगानीकर्ताले सबैभन्दा धेरै नाफा कमाएका छन् भने उपकार लघुवित्त वित्तीय संस्था लिमिटेडका लगानीकर्ताले सबैभन्दा धेरै गुमाएका छन् ।