काठमाडौँ । केही दिनदेखि सडकबाट हराएका काठमाडौँ महानगर प्रहरी पुनः ड्युटीमा फर्किएका छन् । गणेश नेपाली मृत्यु प्रकरणपछि सुरक्षाको कारण देखाउँदै सडकबाट हराएका महानगर प्रहरी बुधबारदेखि पुनः सडकमा देखिन थालेका हुन् ।

सडक ड्युटीमा फर्किएका महानगर प्रहरीले हाल धमाधम जथाभावी पार्किङ गरिएका सवारी साधन हटाउन सुरु गरेका छन् ।

केही दिनदेखि न्युरोड, असन लगायतका क्षेत्रमा जथाभावी पार्किङ र फुटपाथमा अव्यवस्थित पार्किङ बढेको थियो । तर, हाल महानगर प्रहरी पुनः सडकमा फर्किएपछि यी क्षेत्रका सडक र फुटपाथ फेरि खाली देखिएका छन् । बाँकी तस्वीरमा हेर्नुहोस्ः