काठमाडौँ । वैदेशिक रोजगारीका लागि विभिन्न देश पठाउने भन्दै रकम ठगी गर्ने दुई जना पक्राउ परेका छन् । पक्राउ पर्नेमा ४३ वर्षीय लाक्पा शेर्पा र ३९ वर्षीय कालिका रोक्का रहेका छन् ।

उनीहरुलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले पक्राउ गरेको हो ।

प्रहरीका अनुसार शेर्पाले जर्जिया पठाउने भन्दै ५ लाख ५० हजार रुपैयाँ र रोक्काले युके पठाउने भन्दै ५ लाख रुपैयाँ ठगी गरी सम्पर्क विहिन भएका थिए ।

हाल उनीहरुलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।