काठमाडौँ । संयुक्त अरब इमिरेट्स (युएई)ले १ सय ११ जना नेपाली कैदीबन्दीलाई आममाफी दिएको छ । ईद अल-अधा २०२६ को अवसरमा युएई सरकारले १ सय ११ कैदीबन्दीलाई आममाफी दिएको हो ।

परराष्ट्र मन्त्रालयले विज्ञप्ति जारी गर्दै नेपाली कैदीबन्दीलाई आममाफी दिएकोप्रति धन्यवाद दिएको छ । 

त्यस्तै, मन्त्रालयले उक्त आममाफीको सदाशयपूर्ण कदमलाई नेपाल र युएईबीच विद्यमान द्विपक्षीय सम्बन्धमा गहिरो मित्रता र हार्दिकताको अभिव्यक्तिका रुपमा उच्च मुल्यांकन गरेको जनाएको छ । 

आममाफी पाएका नेपालीहरुलाई युएईको कानून अनुसार आवश्यक प्रक्रिया पूरा गरेर नेपाल फर्काउने तयारी गरिएको आबुधाविस्थित नेपाली दूतावासले जनाएको छ ।