काठमाडौं । नेपाल स्टक एक्सचेन्ज (नेप्से)ले बेनी सेक्युरिटिज (स्टक ब्रोकर नं. ९३) को कारोबार ३ कार्यदिनका लागि निलम्बन गरेको छ ।

केन्द्रीय निक्षेप सेवा तथा राफसाफ कम्पनी (सीडीएससी)को सिफारिसका आधारमा नेप्सेले उक्त ब्रोकरको कारोबार रोक्का गरेको हो ।

सीडीएससीका अनुसार बेनी सेक्युरिटिजले तोकिएको समयभित्र राफसाफ तथा फर्छ्यौटसम्बन्धी कार्य सम्पन्न नगरेपछि कारबाहीका लागि नेप्सेलाई सिफारिस गरिएको थियो ।

सोही सिफारिसका आधारमा नेप्सेले ब्रोकरको कारोबार ३ कार्यदिनका लागि निलम्बन गरेको हो । निलम्बन अवधिभर बेनी सेक्युरिटिजमार्फत लगानीकर्ताले शेयर कारोबार गर्न पाउने छैनन् ।