काठमाडौँ । एक्स्ट्रिम इनर्जी ड्रिंक्सले बाढी प्रभावितहरुको उद्धार, राहत र पुनःस्थापनाका लागि १ करोड रुपैयाँ सहयोग गरेको छ । एक्स्ट्रिमले सहयोगबापतको एक करोड रुपैयाँ अर्थमन्त्री डा. स्वर्णिम वाग्लेलाई हस्तान्तरण गरेको हो । 

विपद्को कठिन घडीमा सरकारसँग ऐक्यबद्धता जनाउँदै प्रभावित नागरिकको राहत तथा पुनःस्थापनामा सहयोग पुर्याउने उद्देश्यले उक्त रकम प्रधानमन्त्री दैवी प्रकोप उद्धार कोषमा प्रदान गरिएको एक्स्ट्रिमले जनाएको छ । 

एक्स्ट्रिम इनर्जी ड्रिंक्सले विपद्बाट प्रभावित सम्पूर्ण नागरिकप्रति ऐक्यबद्धता व्यक्त गर्दै उद्धार तथा राहत कार्यमा खटिएका सुरक्षाकर्मी, स्वास्थ्यकर्मी, स्वयंसेवक तथा सम्बन्धित निकायप्रति सम्मान व्यक्त गरेको छ ।

कम्पनीले आगामी दिनमा पनि राष्ट्र र नागरिकको हितमा आवश्यक सहयोग तथा सहकार्यलाई निरन्तरता दिने प्रतिबद्धता समेत जनाएको छ ।