काठमाडौँ । भोटेकोशीमा आएको बाढी प्रभावित क्षेत्रबाट नेपाली सेनाले हालसम्म १२ जनाको सकुशल उद्धार गरेको छ । सेनाको हेलिकप्टरमार्फत उनीहरुको उद्धार गरिएको हो ।

नेपाली सेनाका अनुसार स्याफ्रुबेँसीबाट ६, मैलुङबाट २ र धुन्चेबाट ४ गरी हालसम्म १२ जनाको उद्धार भइसकेको छ ।

उक्त क्षेत्रमा नेपाली सेनाका चार र निजी कम्पनीका आठ गरी जम्मा १२ वटा हेलिकप्टर उद्धार कार्यमा खटिएका छन् । साथै सेनाको मेडिकल टिमद्वारा त्रिशूलीस्थित नम्बर १ सैन्य तालिम केन्द्रमा आकस्मिक उपचार सेवा प्रदान गरिरहेको पनि नेपाली सेनाले जनाएको छ ।