काठमाडौँ । भोटेकोशी बाढीमा एनएमबि बैंकका ४ कर्मचारी हराएका छन् । बुधबार बिहान करिब ९ बजे तिब्बतबाट एक्कासि आएको बाढीमा बैंकको टिमुरे शाखामा कार्यरत ४ कर्मचारी हराएका हुन् । 

एक सूचना जारी गर्दै बैंकले टिमुरे शाखाका कार्यरत धर्मराज रिमाल, नबिन गौतम, सुभाष रावल र अर्जुन पण्डित हराएको पुष्टि गरेको छ । 

बैंकले सोही सूचनामार्फत हराएका बैंकका कर्मचारीलाई कसैले देखेमा, भेटेमा वा उनीहरुको अवस्थाबारे कुनै जानकारी प्राप्त भएका बैंकमा जानकारी गराइदिन अनुरोध गरेको छ । 

हाल हराएका बैंकका कर्मचारीको खोजीकार्य भइरहेको बैंकले जनाएको छ । बैंकका अनुसार बाढीपछि उनीहरु सम्पर्कविहीन छन् ।