काठमाडौँ । समस्याग्रस्त ६ सहकारीका बचतकर्ताको बचत फिर्ता गरिएको छ । समस्याग्रस्त सहकारी व्यवस्थापन समितिले ६ सहकारीका ७९ जना बचतकर्ताको रकम फिर्ता गरेको हो ।

समितिका अनुसार गोरखाका २५ जना, गौतमश्रीका ६ जना, शिव शिखरका १३ जना, आइडियल यमुनाका ३ जना, ओरिएन्टल कोअपरेटिभका ३ जना र कान्तिपुर सहकारीका २९ जना बचतकर्ताको रकम फिर्ता गरिएको छ ।

रकम फिर्ता गरिएका बचतकर्ताहरु साना बचतकर्ता भएको समितिले जनाएको छ । समितिका अनुसार बचतकर्तालाई फिर्ता गरिएको सो रकम सहकारीका ऋणीबाटै असुली गरिएको हो ।

पहिलो चरणमा साना बचतकर्ताको रकम फिर्ता गर्न सुरु गरेको समितिले क्रमशः अन्य बचतकर्ताको पनि रकम फिर्ता गरिने जनाएको छ ।