काठमाडौँ । साताको कारोबारको तेश्रो दिन बुधबार सेयर बजार मापक नेप्से परिसूचक घटेको छ । बुधबार नेप्से परिसूचक ४.८२ अंकले घटेर २५९८.८९ बिन्दुमा पुगेको हो ।

नेप्सेमा कुल ३५२ कम्पनीको १ करोड २६ लाख ५५ हजार ३७४ कित्ता सेयर खरिद बिक्री हुँदा रू. ४ अर्ब ७६ करोडमाथिको सेयर कारोबार भएको छ । आज सबैभन्दा धेरै कारोबार घलेम्दी हाइड्रो लिमिटेडको भएको छ । यस कम्पनीको ३९ करोड ४८ लाख रुपैयाँ बराबरको कारोबार भएको छ ।

आजको बजारमा सिन्धु विकास बैंक लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य १४ प्रतिशतभन्दा धेरैले बढेको छ ।

यता, सानिमा ग्रोथ फण्डका लगानीकर्ताले भने सबैभन्दा धेरै गुमाएका छन् । या कम्पनीको सेयर मूल्य ३ प्रतिशतभन्दा धेरैले घटेको छ ।