काठमाडौँ । साताको कारोबारको दोश्रो दिन मंगलबार सेयर बजार मापक नेप्से परिसूचक बढेको छ । मंगलबार नेप्से परिसूचक ११.९६ अंकले बढेर २५७८.७३ बिन्दुमा पुगेको हो ।

नेप्सेमा कुल ३५९ कम्पनीको ८९ लाख ५५ हजार २३० कित्ता सेयर खरिद बिक्री हुँदा रू. ३ अर्ब १३ करोडमाथिको सेयर कारोबार भएको छ । आज सबैभन्दा धेरै कारोबार घलेम्दी हाइड्रो लिमिटेडको भएको छ । यस कम्पनीको २३ करोड ९१ लाख रुपैयाँ बराबरको कारोबार भएको छ ।

आजको बजारमा त्रिशुली जलविद्युत् कम्पनी लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य ५ प्रतिशतभन्दा धेरैले बढेको छ ।

यता, सर्वोत्तम पेन्ट्सका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ४ प्रतिशतभन्दा धेरैले घटेको छ ।