काठमाडौँ । साताको कारोबारको अन्तिम दिन शुक्रबार सेयर बजार मापक नेप्से परिसूचक घटेको छ । शुक्रबार नेप्से परिसूचक ११.९० अंकले घटेर २५८७.२५ बिन्दुमा पुगेको हो ।

नेप्सेमा कुल ३५६ कम्पनीको १ करोड १९ लाख १२ हजार ५५० कित्ता सेयर खरिद बिक्री हुँदा रू. ४ अर्ब २९ करोडमाथिको सेयर कारोबार भएको छ । आज सबैभन्दा धेरै कारोबार १०.७५% एसबिएल डिबेन्चर २०८९को भएको छ । यस कम्पनीको २६ करोड ५३ लाख रुपैयाँ बराबरको कारोबार भएको छ ।

आजको बजारमा एनएमबि डिबेन्चर १०.७५% (ऋणपत्र) २०८९/२०९०का लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य १४ प्रतिशतभन्दा धेरैले बढेको छ ।

यता, सिन्धु विकास बैंक लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ८ प्रतिशतभन्दा धेरैले घटेको छ ।