काठमाडौं । निर्धन उत्थान लघुवित्त वित्तीय संस्थाले गत वर्षको चौंथो त्रैमासको वित्तीय विवरण सार्वजनिक गरेको छ । कम्पनीले खुद नाफा २२३.२६% ले बढाएर ९१ करोड ९१ लाख ७३ हजार रुपैयाँ कमाएको वित्तीय विवरण सार्वजनिक गरेको हो । अघिल्लो वर्ष सोही अवधिमा २८ करोड ४३ लाख ४५ हजार रुपैयाँ मात्र खुद नाफा गरेको थियो ।
यस्तै असार मसान्तसम्ममा खुद ब्याज आम्दानी पनि ४३.५४% बढेको छ । यद्यपि कम्पनी २ अर्ब ८० करोड ३८ लाख रुपैयाँ सञ्चालन नोक्सानमा रहेको छ । प्रोभिजनमा ४ अर्ब ५० करोड ९६ लाख रुपैयाँ छुट्याउनु परेपछि सञ्चालन नोक्सानमा गएको हो ।
यता खुद नाफामा आकर्षक वृद्धि हुँदा प्रतिसेयर आम्दानीमा आकर्षक प्रगति भएको छ । अघिल्लो वर्ष १९ रुपैयाँ ९६ पैसा रहेको प्रतिसेयर आम्दानी अहिले ५४ रुपैयाँ २२ पैसा पुगेको वित्तीय विवरणमा उल्लेख छ ।
