काठमाडौँ । कोरोना संक्रमणको जोखिम बढेपछि काठमाडौँ उपत्यकामा बिहीबारदेखि कडा लकडाउन गर्ने तयारी भएको छ । सोबारे निर्णय गर्न आज काठमाडौँ उपत्यकाका तीन वटै जिल्लाका प्रमुख जिल्ला अधिकारीहरुको बैठक बसेको छ । बैठकले जारी निषेधाज्ञा केही परिमार्जनसहित थप्ने तयारी गरेको छ ।

भीडभाडजन्य गतिविधी, तालिम तथा सभा जस्ता कार्यलाई निरूत्साहित हुने गरीको निर्णय हुन सक्ने बताइएको छ । यता सरकारले सो जोखिमलाई मध्येनजर गर्दै परीक्षासमेत स्थगित गरिसकेको छ।  यसअघि घोषित निषेधाज्ञाको बुधबार मध्यराति सकिँदैछ ।

अहिले कोरोना संक्रमित बढ्दै जाँदा काठमाडौँ उपत्यकाका अस्पतालहरु संक्रमितले भरिभराउ हुन थालिसकेका छन् । उपत्यकामा वैशाख १६ देखि जारी निषेधाज्ञा एक महिना यता केही खुकुलो बनाइएको थियो ।