काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङले कार्यभार सम्हालेका छन् । बुधबार उनले प्राधिकरणको कार्यकारी निर्देशक पदको नियुक्ति पत्र बुझेपछि कार्यभार सम्हालेका हुन् । ऊर्जामन्त्री पम्फा भुसालको उपस्थितिमा ऊर्जा मन्त्रालयका सचिव देवेन्द्र कार्कीले घिसिङलाई ४ वर्षे नियुक्ति पत्र दिएका थिए । ४ वर्षे कार्यकाल पूरा गरेर घिसिङ २०७७ भदौमा विदा भएका थिए ।
देउवा सरकारले घिसिङलाई पुन: दोस्रो कार्यकालको लागि नियुक्त गरेपछि पदभार ग्रहण गर्न उनि प्राधिकरण पुगेका हुन् । सोमबार बसेको मन्त्रिपरिषद् बैठकले कुलमानलाई कार्यकारी निर्देशकमा नियुक्ति गर्ने निर्णय गरेको थियो ।
