• अर्थ सरोकार सम्बाददाता 

काठमाडौं । नेपाल धितोपत्र बोर्डबाट युनियन लाइफ इन्स्योरेन्सले आइपीओ बिक्री गर्न अनुमति पाएको छ । बोर्डले प्रतिकित्ता १०० रुपैयाँको दरमा कुल ६४ लाख ५० हजार कित्ता आइपीओ बिक्री गर्न अनुमति दिएको हो । यता कम्पनीको आइपीओलाई इक्रा नेपालले आइआर बीबीबी रेटिङ दिएको छ ।

जसले कम्पनीको वित्तीय दायित्व बहन गर्ने क्षमतामा मध्यम जोखिम रहेको भन्ने जनाउँछ । आइपीओमा प्रभु क्यापिटल बिक्री प्रबन्धक रहेको छ हाल युनियन लाइफको चुक्ता पुँजी १ अर्ब ५० करोड ५० लाख रुपैयाँ रहेको छ । आइपीओ बिक्रीपछि पूँजी २ अर्ब १५ करोड रुपैयाँ पुग्नेछ ।