">
काठमाडौँ । कर्मचारी संचय कोषका प्रशासक तुलसी गौतमले सर्वोच्च अदालतमा रिट दायर गरेका छन् । उनले शुक्रबार प्रधानमन्त्री तथा मन्त्रिपरिषद्को कार्यालय, अर्थ मन्त्रालय र सञ्चयकोष सञ्चालक समितिलाई विपक्षी बनाएर रिट दाएर गरेका हुन् ।
रिटमा उनले सरकारले आफुलाई ५ वर्षको लागि नियुक्त गरेकोले ५ वर्ष नपुगी बर्खास्त गर्न नमिल्ने उल्लेख गरेका छन् । सरकारले २०७५ वैशाख ४ मा पाँच वर्षका लागि आफुलाई कोषको प्रशासक नियुक्त गरेको र सो अवधि भर आफुले काम गर्न पाउनुपर्ने उनको भनाई छ ।
यस्तै उनले आफुलाई बर्खास्त गर्ने सरकारको निर्णय कार्यन्वयन नगर्न, त्यस पदमा आफुलाई नै पुनर्बहाली गराउन र आफ्नो कार्यकाल बाँकि रहंदासम्म सो पदमा अन्य कोहिलाई नियुक्त नगर्न अन्तरिम आदेशको माग गरेका छन् ।
