काठमाडौँ । सरकारले धिताेपत्र बाेर्डकाे निमित्त अध्यक्षमा निरज गिरीलाई नियुक्त गरेको छ । बोर्डका कार्यकारी निर्देशकसमेत रहेका गिरीलाई अर्थ मन्त्रालयले सोमबार निमित्त अध्यक्षको जिम्मेवारी दिएको हो ।

सर्वोत्तम सिमेन्टको सेयर खरिद प्रकरणमा परेका अध्यक्ष भिष्म राज ढुंगानालाई निलम्बन गरेको सरकारले बोर्ड नेतृत्वविहीन भएपछिको जिम्मेवारी उनलाई दिएको हो । यता भदाै १६ गते बसेकाे मन्त्रिपरिषद बैठकले बोर्डका अध्यक्षले गरेको सेयर कारोबारको छानबीन गर्न उच्च अदालतका पूर्वन्यायाधीश अनन्तराज डुम्रेको अध्यक्षतामा तीन सदस्यीय समिति गठन गरेको थियाे ।

टोलीमा विज्ञ सदस्यका रुपमा नारायण प्रसाद पौडेल र नेपाल कानून आयोगका सहसचिव अर्जुनकुमार खड्का छन् । सो टोलीले गरेको अध्ययन प्रतिवेदन अन्तिम पुगेको बताइएको छ ।