">
काठमाडौं । मध्य भोटेकोशी जलविद्युत् कम्पनीको आइपीओ शुक्रबार बाँडफाँड हुने भएको छ । बिक्री प्रबन्धक ग्लोबल आइएमई क्यापिटलले कम्पनीको आइपीओ शुक्रबार बिहान ९ बजे बाँडफाँड गरिने जनाएको हो । यस कम्पनीले असोज २० गतेदेखि २५ गतेसम्म ९० लाख कित्ता आइपीओ निष्कासन गरेको थियो ।
जसमा कुल सेयरमध्ये ३ लाख ६० हजार कर्मचारीहरुको लागि,४ लाख ५० हजार कित्ता सामुहिक लगानी कोषको लागि छुट्याइएको थियो भने बाँकी ८१ लाख ९० हजार कित्ता सर्वसाधारणको लागि निष्कासन गरेको हो । सो आइपीओमा अन्तिम दिनसम्ममा २३ लाख ९३ हजार ४२८ जना आवेदकले ३ करोड ४३ लाख ६० हजार १० कित्ता शेयरका लागि आवेदन दिएका छन् । जुन मागभन्दा ४ दशमलव १९ गुणा बढी आवेदन हो ।
जस अनुसार गोलाप्रथाद्वारा बाँडफाँड गर्दा ८ लाख १९ हजार जना आवेदकले १० कित्ताका दरले सेयर पाउने देखिएको छ । बाँकी १५ लाख ७४ हजार ४२८ जना आवेदकको हात खाली हुने देखिन्छ ।
