काठमाडौं । स्वरोजगार लघुवित्त वित्तीय संस्थाको वार्षिक साधारणसभा हुने भएको छ । कम्पनीको कात्तिक २७ गते नेपाल प्रज्ञा प्रतिष्ठान कमलादी काठमाडौंमा वार्षिक साधारणसभा हुने भएको हो । उक्त सभा बिहान ११ बजेबाट सुरु हुने कम्पनीले जनाएको छ । उक्त सभाले कम्पनीको २५ प्रतिशत बोनस सेयर वितरण गर्ने मुख्य प्रस्ताव पारित गर्ने भएको छ ।
सभामा अधिकृत, जारी तथा चुक्ता पुँजी वृद्धि गरी सोही बमोजिम प्रवन्धपत्र तथा नियमावली संशोधन गर्ने एजेण्डा पनि रहेको छ । अन्य कुनै वित्तीय संस्थालाई मर्ज वा एक्वायर गर्नुपरेमा सम्पूर्ण अख्तियारी सञ्चालक समितिलाई दिने प्रस्ताव पनि रहेको छ । यस्तै लेखापरीक्षक नियुक्त गर्ने लगायतका प्रस्ताव पनि पारित हुनेछ । सभा प्रयोजनार्थ लघुवित्तले कात्तिक १२ गतेदेखि २७ गतेसम्म बुक क्लोज गरेको छ । यसअनुसार कात्तिक ११ गतेसम्म सेयर खरिद गर्ने लगानीकर्ताले कम्पनीले प्रस्ताव गरेको लाभाशं पाउनेछन् ।
