- अर्थ सरोकार सम्बाददाता
काठमाडौँ । खानीखोला हाइड्रोपावर कम्पनीको सेयर कारोबार आज सोमबार फुकुवा भएको छ । नेपाल स्टक एक्सचेन्ज (नेप्से) को जेठ ३० गतेको निर्णयअनुसार खानीखोलाको सेयर कारोबार फुकुवा गरिएको हो ।
धितोपत्र सूचीकरण विनियमावली, २०७५ मा भएको व्यवस्थाअनुसार वित्तीय विवरणहरु पेस नगरेको भन्दै नेप्सेले गत जेठ २० गतेबाट उक्त कम्पनीको सेयर कारोबार रोक्का राखेको थियो ।
कम्पनीले गत जेठ २६ गते कम्पनीको लगइनबाट नेप्सेको वेबसाइटमा लगानीकर्ता र सरोकारवाला निकायहरुले अध्ययन गर्न सक्ने गरी कम्पनीको वित्तीय विवरणहरु अपलोड गरेको नेप्सेले जनाएको छ । जसअनुसार कम्पनी कारोबार फुकुवा भएको हो ।
