भक्तपुर । सहकारी संस्थाबाट सवा ९ लाख रुपैयाँ चोरी भएको छ । प्रहरीले सूर्यविनायक नगरपालिका-८ अमिताभ बुद्ध बचत तथा ऋण सहकारी संस्था लिमिटेडबाट आइतबार राती सवा ९ लाख रुपैयाँ चोरी भएको जनाएको हो ।

प्रहरीले गणेश मन्दिर नजिकै रहेको सो सहकारीको दराजमा राखेको ९ लाख २९ हजार ३ सय ३१ रुपैयाँ चोरी भएको महानगरीय प्रहरी वृत्त जगातीले जनाएको छ । चोरीमा संलग्न फरार व्यक्तिहरूको खोजी गर्नुको साथै थप अनुसन्धान गरिरहेको प्रहरीले जनाएको छ ।

यस्तै दुई साता अघि भक्तपुरकै मध्यपुर थिमी नगरपालिका–१ लोकन्थलीस्थित दक्षिणकाली महिला बचत तथा ऋण सहकारी संस्थाबाट करिब ७ लाख रूपैयाँ चोरी भएको थियो ।