काठमाडौँ । नेपाल राष्ट्र बैंकका दुई कार्यकारी निर्देशकको जिम्मेवारी हेरफेर भएको छ । कार्यकारी निर्देशक देव कुमार ढकाल र डा. गुणाकर भट्टको जिम्मेवारी हेरफेर भएको हो ।

बैंक सुपरिवेक्षण विभागमा प्रमुखको भूमिकामा रहेका भट्टलाई बैंक तथा वित्तीय संस्था नियमन विभाग प्रमुखको जिम्मेवारी दिईएको छ भने बैंक तथा वित्तीय संस्थाको नियमन बिभागमा रहेका ढकाललाई बैंक सुपरिवेक्षण विभागको जिम्मेवारी दिइएको छ।

बैंक तथा वित्तीय संस्थाको नियमन विभागलाई बैंक, विकास बैंक, फाइनान्स र लघुवित्तलाई नियमन गर्ने अधिकार दिईएको हुन्छ । यता बैंक सुपरिवेक्षण विभागलाई भने कमर्सियल बैंकको मात्रै सुपरिवेक्षण गर्ने अधिकार दिईएको छ। नियमन बिभागको जिम्मेवारी पाएका डा भट्ट नेपाल राष्ट्र बैंकका प्रमुख प्रवक्तासमेत हुन्।