काठमाडौं । सरकारले असार १ गतेदेखि भदौ मसान्तसम्म सडक खन्न निषेध गर्ने भएको छ । भौतिक पूर्वाधार तथा यातायात मन्त्रालयअन्तर्गत सडक विभागले बुधबार एक सूचना प्रकाशन गर्दै यस्तो निर्णय गरेको हो ।
वर्षायाममा धारा, ढल, बिजुली तथा टेलिफोन जस्ता प्रयोजनका लागि सडक खन्दा तत्काल मर्मत गरी यथास्थितिमा ल्याउन नसकिने र सडक पनि थप बिग्रिँदै जाने भएकाले सो समयमा सडक नखन्न विभागले आग्रह गरेको छ ।
तर, सो समयमा कसैले अटेर गर्दै जबरजस्ती सडक खनेमा भने सार्वजनिक सडक ऐन २०३१ अनुसार कडा कारबाही गरिने जनाईको छ ।
