काठमाडौँ । केहि समय अगाडीसम्म कसैले सोचेका थिएनन्, श्रीलंकाको स्थिति यहाँसम्म कमजोर हुन्छ भनेर । तर भयो त्यस्तै । अहिले श्रीलंकामा इन्धनको चरम अभावमात्र छैन, त्यहाँका जनताको स्थिति डामाडोल छ । विद्यालयहरु बन्द गरिएका छन् भने पेट्रोल पम्पमा कयौँ किलोमिटर लाइन छ । जनताले नेतालाई जहाँ भेट्यो त्यहिं कुट्न थालिसकेका छन् । स्थिति निकै गम्भीर छ । देश टाँट पल्टिएको घोषणा भईसकेको छ ।
अधिकांस देशका अर्थतन्त्रमा मुख्य समस्या आउनुको कारण नै रुस र युक्रेनबीचको युद्ध हो । दुई देशबीचको युद्धका कारण इन्धनसहित उपभोग्य सामाग्रीको मूल्यले आकाश छोएका बेला धेरै देशहरुको ‘हालत खराब’ भएको हो ।
एजेन्सीका अनुसार गरिब देशहरूमा बढ्दो आर्थिक तनावले जनतालाई उत्तेजित पार्दै उनीहरूलाई सडकमा ल्याएको छ भने कोरोना महामारीविरुद्धको लडाइँमा जुट्न लिइएका सहायता रकम, उच्च ब्याजसहितका ऋण, विदेशीसँग लिएका ऋणको आवधिक भुक्तानीका दायित्वले उनीहरूलाई अझ प्रभावित पारेको छ । विश्वका आधाभन्दा बढी मुलुक ऋण चुक्ता गर्न सङ्घर्षरत छन्भने गरिब देशहरू ऋण सङ्कटबाट मुक्त हुनसक्नेक अवस्था छैन ।
अति कमजोर अर्थतन्त्र भएका देशहरू महामारीभन्दा अघिदेखि महारोगका रूमा फैलिएको चरम भ्रष्टाचार, गृहयुद्ध, विद्रोह र दैवी विपत्तिबाट थप बिथोलिएका वास्तविकता क्राइसिस ग्रुपले औँल्याएको छ । अफगानिस्तान, पाकिस्तान, अर्जेन्टिना, इजिप्ट, लाओस, लेबनान, म्यान्मा, टर्की, जिम्बाम्बेलगायत देशको अर्थतन्त्र जोखिममा रहेको ग्रुपको ठहर छ ।
