काठमाडौँ । आशा लघुवित्त वित्तिय संस्थाले संस्थापक सेयर बिक्रीमा ल्याउने भएको छ । कम्पनीले असोज ४ गतेदेखि ३ लाख कित्ता संस्थापक सेयर बिक्री गर्न लागेको हो ।

लघुवित्तको प्रतिकित्ता न्युनतम मूल्य २९५ रुपैयाँका दरले सो वा सो भन्दा बढी मूल्य बोलकबोल गरी आवेदन पेश गर्नुपर्ने कम्पनीले जनाएको छ । उक्त सेयरमा कम्पनीका संस्थापक सेयरधनीसहित अरु व्यक्ति,कम्पनी तथा विभिन्न संघ संस्थाहरुले पनि आवेदन दिन सक्नेछन् ।

लगानीकर्ताले न्यूनतम १० हजार कित्तादेखि अधिकतम ३ लाख कित्ताका लागि आवेदन दिन सक्नेछन् । प्रभु क्यापिटल लिमिटेड, कमलादी, काठमाडौंमा पुग्नेगरी गोप्य शिलबन्दी आवेदन बुझाउनुपर्नेछ । यसअघि साविकका संस्थापकहरूबाट आवेदन नपरेपछि सर्वसाधारणले समेत आवेदन दिन पाउने गरी सेयर बिक्री गर्न लागिएको कम्पनीले जनाएको हो ।