काठमाडौं । साताको कारोबारको अन्तिम दिन बिहिबार नेप्से परिसूचक घटेको छ । बुधबारको तुलनामा नेप्से परिसूचक ९.८३ अंकले घटेर १८३८.९६ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बिहिबार कुल २२९ कम्पनीको २५ लाख ४२ हजार ८ सय ९९ कित्ता सेयर खरिद बिक्री हुँदा ६५ करोडमाथिको सेयर कारोबार भएको छ । आज सबैभन्दा बढी कारोबार नबिल बैंक लिमिटेडको भएको छ । यस कम्पनीको २ करोड ५८ लाख ६८ हजार ७ सय ६१ रुपैयाँ ५० पैसा बराबरको सेयर कारोबार भएको हो ।

यसैगरी बिहीबारको सेयर बजारमा समलिङ्ग पावर कम्पनीका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ९ प्रतिशत भन्दा धेरैले बढेको हो । यस अलावा लक्ष्मी इक्युटी फण्ड, लक्ष्मी उन्नति कोष, सिद्धार्थ इन्भेस्टमेन्ट ग्रोथ स्किम-२, अपर हेवाखोला हाईड्रोपावर कम्पनी र नेपाल  क्रेडिट एण्ड कमर्सियल बैंकका लगानीकर्ता पनि मालामाल भएका छन् । हेर्नुहोस् बिहीबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच बिहीबारको सेयर बजारमा सबैभन्दा बढी कारोबार नबिल बैंक लिमिटेडको भएको छ । यस कम्पनीको २ करोड ५८ लाख ६८ हजार ७ सय ६१ रुपैयाँ ५० पैसा बराबरको सेयर कारोबार भएको हो । यस अलावा बोटलर्स नेपाल (तराई) लिमिटेड, अपि पावर कम्पनी, रिडी पावर कम्पनी, अरुण काबेली पावर र हिमालयन डिस्टिलरीको पनि अत्याधिक कारोबार भएको छ । हेर्नुहोस् बिहीबारको सेयर बजारमा सर्वाधिक कारोबार हुने कम्पनीहरुको सूचीः

यस्तै बिहीबारको सेयर बजारमा १०%  प्रभु बैंक डेबेन्चर २०८४ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ९ प्रतिशत भन्दा धेरैले घटेको हो । १०%  प्रभु बैंक डेबेन्चरको सेयरमा यस्तो गिरावट आउँदा गरिमा डेबेन्चर २०८५, सेञ्चुरी डेबेन्चर २०८८, बिन्ध्यबासिनी हाइड्रोपावर डेभलपमेन्ट कम्पनी, स्वत गंगा हाइड्रोपावर एण्ड कन्स्ट्रक्सन र तेर्हथुम पावर कम्पनीमा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः