काठमाडौं । एनएमबि क्यापिटलको १२औँ वार्षिक साधारणसभा हुने भएको छ । कम्पनीको साधारणसभा कात्तिक १८ गते हुने भएको हो ।

सभा आरण्य बुटिक होटल, मनकामना मार्ग, हात्तिसार, काठमाडौंमा दिउँसो ४ बजेबाट सुरु हुनेछ । कम्पनीको असोज ७ गते बसेको सञ्चालक समितिको बैठकले साधारण सभा गर्ने निर्णय गरेको हो । सभामा कम्पनीले २१.०५ प्रतिशत नगद लाभांश दिने प्रस्ताव पेश गर्ने भएको छ ।

साथै, हाल कायम चुक्ता पुँजी २० करोडको १ बराबर १ को अनुपातमा हकप्रद सेयर जारी गर्ने प्रस्ताव पनि सभामा पेश हुने कम्पनीले जनाएको छ । सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ ।

त्यस्तै, आर्थिक वर्ष २०७९/८० का लागि लेखापरीक्षक नियुक्ति र पारिश्रमिक निर्धारण गर्ने एजेण्डा समेत रहेको छ ।