काठमाडौं । नेकपा एमालेले आगामी पाँच वर्षका लागि प्रतिबद्धतासहितको घोषणापत्र सार्वजनिक गरको छ । आसन्न प्रदेश तथा प्रतिनिधि सभाको निर्वाचनलाई लक्षित गर्दै एमालेले आकर्षक योजना सहितको घोषणापत्र सार्वजनिक गरेको छ ।
एमालेले सार्वजनिक गरेको घोषणापत्रमा पूँजी बजारका विषयलाई पनि प्राथामिकता दिइएको छ । एमालेको घोषणापत्र अनुसार पूँजी बजार तथा वित्त बजारको व्यवस्थापनका लागि पार्टी भित्र छुट्टै संयन्त्र तयार गरिनेछ । त्यस्तै, एमालेले घोषणापत्रमा जलविद्युत आयोजना सम्पन्न गर्न सार्वजनिक, निजी र वैदेशिक लगानी जुटाइने समेत उल्लेख गरिएको छ ।
त्यस्तै मंगलबार सार्वजनिक गरिएको घोषणापत्रमा एमालेले पैसा नहुनेलाई जलविद्युत आयोजनाको सेयर दिने योजना समेत ल्याएको छ । ‘देशको जलस्रोतको लाभ सबै नागरिकमा पुर्याउन आकर्षक जलविद्युत् परियोजनामा जनता, सहकारी संस्था र सरकारको संयुक्त लगानी प्रवर्द्धन गरिने छ’ घोषणापत्रमा भनिएको छ ‘बचत गर्न नसक्ने व्यक्तिहरूलाई पनि यस्ता परियोजनामा सेयर उपलब्ध गराउन विशेष वित्तीय व्यवस्था गरिने छ ।’
एमालेको घोषणापत्रमा देउवा नेतृत्वको बर्तमान गठबन्धन सरकारले देशको आर्थिक क्षेत्रमा फैलाएको बेथिति र अराजकताका कारण आर्थिक परिसूचकहरु निराशाजनक स्थितिमा पुगेको उल्लेख गरेको छ ।
नेपाली पूँजी बजारको अवस्था दयनीय बनेको उल्लेख गर्दैै घोषणापत्रले वित्तीय प्रणालीको सुधार र पूँजी बजारको व्यवस्थापनका विषयलाई उच्च प्राथामिकतामा राखेको छ ।
्र
