काठमाडौं । नेशनल हाइड्रोपावर कम्पनी लिमिटेडले चालु आर्थिक वर्षको आम्दानीमा उल्लेख्य वृद्धि गरेको छ । कम्पनीले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण सार्वजनिक गर्दै गत वर्षको तुलनामा यसवर्ष आम्दानीमा उल्लेख्य वृद्धि भएको जनाएको हो । कम्पनीले यसवर्ष विद्युत् बिक्रीमार्फत ६ करोड ३६ लाख २८ हजार रुपैयाँ आम्दानी गरेको छ ।

कम्पनीले गत आर्थिक वर्षको पहिलो त्रैमाससम्ममा १ करोड ३५ लाख रुपैयाँ आम्दानी गरेको थियो । जुन यसवर्षको आम्दानीभन्दा ३६८.६८ प्रतिशतले कम हो ।

कम्पनीको चालु आर्थिक वर्षको फस्ट क्वाटरमा विद्युत बिक्री आम्दानी उल्लेख्य बढेपनि खुद नाफामा भने ९८.८४ प्रतिशत गिरावट आएको छ । समिक्षा अवधिमा कम्पनीको यस्तो नाफा घटेर ६८ लाख १८ हजार रुपैयाँमा सीमित भएको छ । कम्पनीको वित्तीय खर्च बढ्दा नाफामा दबाब परेको कम्पनीको प्रक्षेपण रहेको छ ।

नाफासँगै कम्पनीको प्रतिशेयर (ईपीएस)आम्दानी पनि घटेको छ । समीक्षा अवधिमा कम्पनीको यस्तो आम्दानी ४० रुपैयाँ ७३ पैसा घटेर १ रुपैयाँ ६६ पैसामा सीमित भएको छ । त्यस्तै कम्पनीको कम्पनीको मूल्य आम्दानी अनुपात ९७.९१ प्रतिशत रहेको छ भने प्रतिशेयर नेटवर्थ १०१ रुपैयाँ ३६ पैसा रहेको छ ।