काठमाडौं । साताको कारोबारको दोश्रो दिन सोमबार सेयर बजार बढेको छ । आइतबारको तुलनामा नेप्से परिसूचक ४७.१५ अंकले बढेर २२११.७६ बिन्दुमा पुगेको हो । नेपाल स्टक एक्सचेन्ज (नेप्से) का अनुसार सोमबार कुल २५७ कम्पनीको १ करोड ४६ लाख ७६ हजार २ सय ६ कित्ता सेयर खरिद बिक्री हुँदा ५ अर्ब ३१ करोडमाथिको सेयर कारोबार भएको हो । आज सबैभन्दा बढी कारोबार रिडी पावर कम्पनीको भएको छ । यस कम्पनीको २० करोड ६८ लाख १७ हजार ४ सय ५८ रुपैयाँ ७० पैसा बराबरको सेयर कारोबार भएको हो ।
यसैगरी सोमबारको सेयर बजारमा बरुण हाइड्रोपावरका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा खानीखोला हाइड्रोपावर, छ्याँग्दी हाइड्रोपावर, जोशी हाइड्रोपावर डेभलपमेन्ट, हिमालयन उर्जा विकास, युनियन हाइड्रोपावर र सिङ्गति हाइड्रो एनर्जीका लगानीकर्ता पनि मालामाल भएका छन् । हेर्नुहोस् सोमबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच सोमबारको सेयर बजारमा सबैभन्दा बढी कारोबार रिडी पावर कम्पनीको भएको छ । यस कम्पनीको २० करोड ६८ लाख १७ हजार ४ सय ५८ रुपैयाँ ७० पैसा बराबरको सेयर कारोबार भएको हो । यस अलावा ङ्गादि ग्रुप पावर, एनआइसी एशिया बैंक, शिवम् सिमेन्ट, नबिल बैंक, अपि पावर कम्पनी र हिमालयन डिष्ट्रिलरीको पनि अत्याधिक कारोबार भएको छ । हेर्नुहोस् सोमबारको सेयर बजारमा सर्वाधिक कारोबार हुने कम्पनीहरुको सूचीः
यस्तै सोमबारको सेयर बजारमा स्वाभिमान लघुवित्त वित्तिय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ३ प्रतिशत भन्दा धेरैले घटेको हो । स्वाभिमानको सेयरमा यस्तो गिरावट आउँदा धौलागिरी लघुवित्त वित्तिय संस्था, १०% नेपाल एसबिआइ बैंक डेबेञ्चर २०८६, १२% गुडविल फाइनान्स लिमिटेड डेबेञ्चर २०८३, डिप्रोस्क लघुवित्त वित्तिय संस्था र सिद्धार्थ इन्भेस्टमेन्ट ग्रोथ स्किम-२ मा पनि उच्च गिरावट देखिएको छ । हेर्नुहोस् सोमबारको सेयर बजारमा सबैभन्दा बढी गुमाउने कम्पनीहरुको सूचीः
