काठमाडौं । साताको कारोबारको आन्तिम दिन बिहिबार सेयर बजार घटेको छ । बुधबारको तुलनामा नेप्से परिसूचक २२.१२ अंकले घटेर २०९४.५४ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बिहिबार कुल २५७ कम्पनीको ५८ लाख ९८ हजार ९ सय ३ कित्ता सेयर खरिद बिक्री हुँदा २ अर्ब ९ करोडमाथिको सेयर कारोबार भएको हो । आज सबैभन्दा बढी कारोबार स्टाण्डर्ड चार्टर्ड बैंकको भएको छ । यस कम्पनीको १० करोड १३ लाख ९१ हजार २ सय ५२ रुपैयाँ ३० पैसा बराबरको सेयर कारोबार भएको हो ।

यसैगरी बिहीबारको सेयर बजारमा आदर्श लघुवित्त वित्तिय संस्थाका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा सानिमा इक्वटि फण्ड, मल्टिपर्पोज फाइनान्स कम्पनी, ग्लोबल आइएमइ ब्यालेन्स फण्ड -१ र नबिल ब्यालेन्स फण्ड-३ का लगानीकर्ता पनि मालामाल भएका छन् । हेर्नुहोस् बिहीबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच बिहीबारको सेयर बजारमा सबैभन्दा बढी कारोबार स्टाण्डर्ड चार्टर्ड बैंकको भएको छ । यस कम्पनीको १० करोड १३ लाख ९१ हजार २ सय ५२ रुपैयाँ ३० पैसा बराबरको सेयर कारोबार भएको हो । यस अलावा एनआइसी एशिया बैंक, आइएमई जेनेरल इन्स्योरेन्स, अपि पावर कम्पनी र चिलिमे हाइड्रोपावरको पनि अत्याधिक कारोबार भएको छ । हेर्नुहोस् बिहीबारको सेयर बजारमा सर्वाधिक कारोबार हुने कम्पनीहरुको सूचीः

यस्तै बिहीबारको सेयर बजारमा सपोर्ट माइक्रोफाइनान्सका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ५ प्रतिशत भन्दा धेरैले घटेको हो । सपोर्टको सेयरमा यस्तो गिरावट आउँदा सिद्धार्थ इन्स्योरेन्स, रिडी पावर कम्पनी, आइएमइ जेनेरल इन्स्योरेन्स र नदेप लघुवित्त वित्तिय संस्थामा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः