काठमाडौं । सामाजिक सञ्जालहरुलाई सुरक्षित राख्न प्रयोग गरिने ‘एसएमएस टू फ्याक्टर अथेन्टिकेसन फिचर प्रयोग गर्न ट्वीटरलाई शुल्क तिर्नुपर्ने भएको छ । ट्वीटरका प्रयोगकर्ताले अब यो फिचरको प्रयोग गर्दा शुल्क तिर्नुपर्ने भएको हो ।
ट्वीटर इंकले एक सूचना सार्वजनिक गर्दै टू फ्याक्टर अथेन्टिकेसन फिचर ट्वीटरका ब्लू टिक प्रयोगकर्ताले मात्रै प्रयोग गर्न पाउने जनाएको छ । ब्लू टिक प्रयोगकर्ताले मासिक ११ डलर तिर्नुपर्ने व्यवस्था ट्वीटरले यसअघि नै लागू गरिसकेको छ । तर, वेब प्रयोगकर्ताहरुले भने यो फिचर प्रयोग गर्नका लागि मासिक ८ डलर तिर्नुपर्नेछ ।
ट्विटर खाता सेक्युरिटी रिपोर्टका अनुसार सन् २०२१ सम्मको तथ्यांकले २.६ प्रतिशत प्रयोगकर्ताले मात्रै टू फ्याक्टर अथेन्टिकेसन फिचर प्रयोग गर्दैछन् भने ७४.४ प्रतिशत प्रयोगकर्ताले एसएमएस अथेन्टिकेसन प्रयोग गर्छन्।
