काठमाडौं । त्रिभुवन अन्तराष्ट्रिय विमानस्थलबाट अहिलेसम्मकै ठूलो परिमाणमा अवैध सुन बरामद गरिएको छ ।
बुधबार विमानस्थलबाट ठूलो परिमाणमा अवैध सुन बाहिरिएको सुराकीका आधारमा राजस्व अनुसन्धान विभागको टोलीले उक्त सुन बरामद गरेको हो । विभागले उक्त सुन ट्याक्सीमा लैजाँदै गरेको अवस्थामा सिनामंगलबाट बरामद गरेको हो । बरामद गरिएको सुन एक अर्बभन्दा बढी मूल्यको रहेको अनुमान गरिएको छ ।
विभागको टोलीले बुधबार तयारी पोसाक, गार्मेन्टलगायतको कार्गो निरीक्षणका क्रममा सुन फेला परेको थियो । बरामद भएको उक्त सुन हालसम्मकै ठूलो परिमाणको भएको विभागले जनाएको छ । विभागका अनुसार बरामद गरिएको सुन ८० देखि १ क्विन्टलसम्म रहेको अनुमान गरिएको छ ।
