काठमाडौँ । बाराबाट नक्कली नोटसहित एक जना पक्राउ परेका छन् । चेकजाँच गर्ने क्रममा ईलाका प्रहरी कार्यालय सिम्रौनगढबाट खटिएको प्रहरी टोलीले बारा महागढीमाई नगरपालिका–९ का ३५ वर्षीय राम बिनय सहनीबलाई पक्राउ गरेको हो । उनको साथबाट प्रहरीले एक हजार दरका आठ थान नक्कली नोट बरामद गरेको छ ।

बीआर ०५ जे २१८१ नम्बरको मोटरसाइकल जाँच गर्ने क्रममा नक्कली नोटसहित बिनयलाई पक्राउ गरिएको प्रहरीले जनाएको छ ।

पक्राउ परेका बिनयको साथबाट भारतीय पाँच सयको सक्कली नोट र भारतीय नोट पाँच सयको साइजमा राखिएको सादा कागद दुई सय ८६ थान पनि बरामद गरिएको प्रहरीले जनाएको छ । हाल प्रहरीले पक्राउ परेका बिनयलाई खोटा चलनसम्बन्धी मुद्दा दर्ता गरी बारा जिल्ला अदालतबाट ५ दिन म्याद थप गरी अनुसन्धान गरिरहेको छ ।