काठमाडौँ । बजेट निर्माण प्रक्रिया सुरु हुँदै गर्दा अर्थमन्त्री वर्षमान पुनले मन्त्रालयमा सहसचिवको जिम्मेवारी हेरफेर गरेका छन् । अर्थमन्त्री पुनले मन्त्रालयको शक्तिशाली महाशाखाको रुपमा रहेका ३ महाशाखा (बजेट, योजना, अनुगमन तथा मूल्यांकन र राजस्व व्यवस्थापन)को जिम्मेवारी हेरफेर गरेका हुन् ।

अर्थमन्त्री पुनले यसअघि राजस्व व्यवस्थापन महाशाखाका सहसचिव रितेश शाक्यलाई बजेट महाशाखाको जिम्मेवारी दिएका छन् ।

त्यस्तै, बजेट महाशाखाका सहसचिव उत्तर खत्रीलाई योजना, अनुगमन तथा मूल्यांकन र सो महाशाखाका सहसचिव धनिराम शर्मालाई राजस्व व्यवस्थापन महाशाखाको जिम्मा दिइएको छ । त्यस्तै, मन्त्रालयका अन्य महाशाखाहरुको जिम्मेवारी भने यथावत् राखिएको छ ।