काठमाडौं । भारतीय रिजर्भ बैंक (आरबीआई) कोटक महिन्द्रा बैंकलाई कारवाहीको घोषणा गरेको छ । आरबीआईले बुधबार कोटक महिन्द्रा बैंकलाई पर्यवेक्षण कारवाहीको घोषणा गरेको हो ।
बैंकले आफ्नो अनलाइन र मोबाइलमार्फत नयाँ ग्राहकहरू अनबोर्डिङ गर्न, बन्द गर्न निर्देशन दिएको छ । कोटक बैंकले २०२२ र २०२३ को लागि केन्द्रिय बैंकले जारी गरेको सुधारात्मक कार्य योजनाहरूको साथ उल्लेखनीय रूपमा गैर-अनुपालन गरेको फेला पारेको थियो ।
उक्त बैंकमा निकै कमजोरी र नियम पालना नगरेको पाइएको छ । आरबीआईले आईटी सूची व्यवस्थापन, प्याच र परिवर्तन व्यवस्थापन, प्रयोगकर्ता पहुँच व्यवस्थापन, विक्रेता जोखिम व्यवस्थापन, डेटा सुरक्षा र डेटा चुहावट रोकथाम रणनीतिहरू, व्यापार निरन्तरता जस्ता क्षेत्रमा गम्भीर कमजोरी भेटिएको आरबीआईले जनाएको छ ।
कोटक महिन्द्रा बैंकको भारतभर १८ सय भन्दा बढी शाखाहरू छन् । ४८ मिलियन भन्दा बढी ग्राहक संख्या छ । यसले २००३ मा आरबीआईबाट बैंकिङ इजाजतपत्र प्राप्त गरेको थियो । बैंकले हाल वाणिज्य बैंकिङ, स्टक ब्रोकिङ र म्युचुअल फण्डदेखि बीमा तथा लगानी बैंकिङसम्मका सेवाहरू प्रदान गर्दै आएको छ ।
