काठमाडौं । जेठ महिनाको पहिलो दिन सुनको मूल्य सात सय रुपैयाँले घटेको छ । कारोबारको अघिल्लो दिनको तुलनामा आज सुनको मूल्य प्रतितोला सात सय रुपैयाँले घटेको हो ।

सोमबार प्रतितोला एक लाख ३८ हजार एक सय रुपैयाँमा कारोबार भईरहेको छापावाला सुन, आज सात सय रुपैयाँले घटेर एक लाख ३७ हजार ४ सय रुपैयाँमा कारोबार भईरहेको छ । त्यस्तै, तेजाबी सुन एक लाख ३६ हजार ७ सय ५० रुपैयाँमा कारोबार भईरहेको छ ।

यता चाँदीको मूल्य भने २५ रुपैयाँले बढेर १७४० रुपैयाँमा कारोबार भईरहेको छ। नेपाल सुनचाँदी व्यवसायी महासंघका अनुसार १० ग्राम छापावाला सुनको मूल्य एक लाख १७ हजार ८ सय रुपैयाँ, १० ग्राम तेजाबी सुनको मूल्य एक लाख १७ हजार ५ सय ४५ रुपैयाँ र प्रति १० ग्राम चाँदीको मूल्य १४९२ रुपैयाँ कायम भएको छ ।