काठमाडौं । उपप्रधानमन्त्री तथा गृहमन्त्री रवि लामिछाने पदमुक्त गर्नुपर्ने भन्दै सर्वोच्च अदालतमा रिट दायर भएको छ । सोमबार अधिवक्ता अनुपम भट्टराईले महान्यायाधिवक्ता कार्यालय, महान्यायाधिवक्ता दिनमणि पोखरेल र गृहमन्त्री रवि लामिछानेलाई विपक्षी बनाएर रिट दायर गरेका हुन् ।
उनले सहकारी ठगी प्रकरणमा मुछिएका रवि र उनी विरुद्ध कुनै पनि मुद्दा छैन भन्ने महान्यायाधिवक्ता कार्यालयको पत्र खारेजीको माग समेत गरेका छन्।
त्यस्तै,अनुसन्धान प्रक्रियामा गृहमन्त्रीले अनुचित प्रभाव पार्न सक्ने भन्दै अनुसन्धान प्रक्रिया चलिरहेका बेला उनलाई निलम्बन गर्न माग गरिएको छ ।
उक्त रिटमा जेठ १६ गतेका लागि पेशी तोकिएको छ ।
