काठमाडौँ । होटल बाराही काठमाडौँको इन्फिनिटी स्विमिङ पुलमा ‘विकेन्ड ब्रञ्चु अफर’ सुरु भएको छ । बाराही हस्पिटालिटी अन्तर्गत काठमाडौंको ठमेलमा रहेको होटल बाराही काठमाडौंको इन्फिनिटी स्विमिङ पुलमा ‘विकेन्ड ब्रञ्चु अफर’ सुरु भएको हो ।
ग्राहकले होटलको सातौँ तलामा रहेको इन्फिनिटी स्विमिङ पुलमा शनिबार छुट पाउने होटलका महाप्रबन्धक रोशन सापकोटाले जानकारी दिएका छन् । उनका अनुसार शनिबार ग्राहकले करसहित २ हजार ५ सय रुपैयाँमै स्विमिङ पुल र बफेट ब्रन्चको मज्जा लिन सक्नेछन् । साथै, ग्राहकले सोही प्याकेजमा पुल, बार, स्न्याक्स तथा रेस्टुरेन्ट समेतको मज्जा लिन सक्नेछन् ।
यस प्याकेजका लागि ग्राहकले प्रि बुकिङ अर्थात जानु भन्दा अगाडि नै बुकिङ गर्न आवश्यक हुने सापकोटाको भनाइ छ । काठमाडौँको प्रिमियम लोकेसनमा रहेको यस होटलमा स्विमिङ पुलमा मज्जा लिँदै अगाडिको नारायणहिटी दरबारको दृश्यावलोकन गर्न पाइने भएकाले पनि आकर्षण बढेको छ ।
स्विमिङ पुलमा बढ्दो आकर्षणलाई ध्यानमा राख्दै सर्वसाधारणका लागि अफरसहित स्विमिङ पुल खुला गरिएको हो । स्विमिङ पुल रहेको सातौँ तलामा रेस्टुरेन्ट समेत रहेको छ । पुल साइडको टेबलमा बसेर खाना तथा पेयको मज्जा लिन सकिनेछ ।केशरमहलको अगाडि चोकैमा रहेको यस होटलबाट काठमाडौँ उपत्यकाको चारैतिरका सुन्दर दृश्यावलोकन गर्न सकिन्छ ।
वीर शमसेरले बनाएको फोहोरा दरबार, स्वप्न बगैंचा र नारायणहिटी दरबार होटलको आँगनमै भएको अनुभुति हुन्छ । त्यस्तै, घण्टाघर, धरहरा, वसन्तपुर दरबार, ठमेल बजार, स्वयम्भू तथा उत्तरतर्फ शिवपुरीको हरियालीसँगै हिम शृंखला देख्न सकिन्छ ।
