काठमाडौं । पूर्वमन्त्री एवं नेपाली काङ्ग्रेसका प्रवक्ता डा। प्रकाशशरण महतले राज्यको सीमित आम्दानीबाट अनगिन्ती रुपमा खर्च गर्ने सुविधा सरकारलाई नभएको बताएका छन् ।
सोमबार काठमाडौंमा आयोजित ‘बजेटबाट अपेक्षा र कार्यान्वयन’ विषयक अन्तरक्रियामा उनले सीमित स्रोतबाट जनताको न्यूनतम र समायानुकुल आवश्यकता परिपूर्ति गर्नुपर्ने भन्दैमा जथाभावी खर्च गर्ने छुट सरकारलाई नभएको बताएका हुन् ।
उनले भने, ‘एउटा परिवारको न्यूनतम र समायानुकुल आवश्यकता कसरी परिपूर्ति गर्ने भन्ने हाम्रो चिन्ताको विषय हो । आम्दानीको स्रोत सीमित छ, प्राप्त आम्दानीलाई प्राथमिकताको आधारमा कसरी खर्च गर्ने त्यो राज्यले व्यवस्थापन गर्ने कुरा हो । अनगिन्ती रुपमा जहाँ पनि खर्च गर्ने सुविधा हामी कसैलाई पनि छैन । किनभने हामीसँग प्रयाप्त स्रोत छैन । स्रोतको सही तरिकाले खर्च भएको छैन् । सरकारी खर्च ठिक ठाँउमा भइरहेको छैन् ।’
उनले बजेटले अर्थतन्त्रको समस्याको आधारभूत प्रश्नको उत्तर नदिएको भन्दै कनिका छरेजस्तो बजेट छरेपछि सोचेजस्तो परिणाम नआउने पनि बताए । ‘यो बजेटले हाम्रो अर्थतन्त्रको समस्याको आधारभूत प्रश्नको उत्तर दिएन । हामी सरकारमा रहँदा के कार्यविधि बनाएका थियौं भने कुनैपनि विकास निमार्णमा तीन करोडभन्दा तलको आयोजना केन्द्रीय सरकारले नगर्ने भन्ने थियो । प्रधानमन्त्रीले हामी गठबन्धनबाट हटेपछि पनि हुँदैन भनेर नै बोल्नु भएको थियो । तर अहिले त्यसको पालना भएको छैन् । बजेट कनिक छरेजस्तो छ । बालुवामा पानी हालेपछि परिणाम कसरी आउँछ रु’डा। महतको प्रश्न थियो ।
अर्थतन्त्रलाई ठिक ठाँउमा लाने सम्भावनाहरू भएपनि अनुशासनको खाँचो भएको भन्दै त्यसको लागि वितरणमुखी होइन उत्पादनमुखी लगानी जरुरी भएको बताए । उनले भने, ‘हाम्रो अर्थतन्त्रलाई सही बाटोमा लैजाने हो भने सम्भावनाहरू छन तर अनुशासनको खाँचो छ । वितरणमुखी होइन उत्पादनमुखी लगानी जरुरी छ । बजेट हेर्दा आकार बढेर आएको छ । बजेट बढाउँदा आम्दानी कहाँबाट देखाउनुभयो रु ९० अर्ब थप ऋण निजी बैंकहरूबाट लिने निर्णय भएको छ तर त्यसो हुँदा निजी क्षेत्रलाई उपलब्ध ऋण कम हुन जान्छ । यस्ताखाले सदस्यहरू बजेटमा प्रशस्त छन् ।’
