काठमाडौं । हिमालयन लघुवित्त वित्तीय संस्था लिमिटेडले १३औं वर्षमा प्रवेश गरेको छ। वार्षिकोत्सवको अवसरमा लघुवित्तले संस्थागत सामाजिक उत्तरदायित्व अन्तर्गत विभिन्न कार्यक्रम सम्पन्न गरेको जनाएको छ ।
लघुवित्तले शुक्रबार विभिन्न जिल्लाका सामुदायिक विद्यालयहरूमा अध्ययनरत करिब ८४५ जना विपन्न छात्रछात्राहरूलाई शैक्षिक सामग्रीहरू वितरण गरेको छ ।
त्यसैगरी, झापा जिल्लाको प्रसिद्ध पाउ पाथिभरा मन्दिर तथा कपिलवस्तु जिल्लाको प्रसिद्ध जगत्र देवी मन्दिर परिसरमा तीर्थालुहरूको लागि विश्रामस्थलमा बेन्च, मन्दिरमा घण्टी, डस्टबिन र र्याक उपलब्ध गराएको छ।
संस्थाले ७५ शाखा कार्यालयहरू मार्फत ७४ हजारभन्दा बढी सदस्यहरूलाई सेवाहरू प्रदान गर्दै करिब रु. ९२ करोड बचत सङ्कलन गरी करिब रु. ३ अर्ब ८७ करोड लगानी गरेको छ ।
