काठमाडौँ । सेयर विश्लेषक सुवासचन्द्र ढुंगानाले अहिलेको सेयर बजार बढोत्तरीको कारण बैंकिङ भएको बताएका छन् । अर्थ सरोकारको टेलिभिजन कार्यक्रम ‘मार्केट लिडर्स’मा बोल्दै ढुंगानाले अहिले बजारमा देखिएको बुल ‘फन्डामेन्टल बुल’ भएको र बढोत्तरीको मुख्य कारण बैंकिङ सेक्टर नै भएको बताएका हुन् ।
उनले बैंकिङ बढ्नु अघि अरु सेक्टरमा बुल आइसकेको भए पनि बैंकिङ बढेकै कारण समग्र नेप्सेमा बुल आएको बताएका छन् ।
हाल नेप्सेमा देखिएको बढोत्तरी रहेसम्म बैंकिङमा बुल रहने भन्दै ढुंगानाले अहिलेको बजारको बढाई अझै माथि जाने बताएका छन् । यद्यपि बजारमा प्रवेश गर्ने वा सेयर किन्नेहरुका लागि अझै पनि अवसर भएको ढुंगानाको भनाई छ । ‘यो बुल अझै माथि उक्लिन्छ । छुटेँ भनेर पीर लिनु पर्दैन ।’, उनले भने, ‘कम्पनी छानेर किने अझै पनि बजारमा अवसर छ ।’
त्यस्तै, ढुंगानाले अहिलेको बुल ‘रियल बुल’को पूर्वाध भएको बताएका छन् । सेयर बजारमा बुलको सुरुवात भएकाले अब बजारमा करेक्सन आउँदा पनि त्यसलाई स्वाभाविक करेक्सन मान्नुपर्ने ढुंगानाका भनाई छ । उनले अब बजारमा आउने करेक्सनलाई अवसरका रुपमा पनि लिन सकिने बताएका छन् । सेयर विश्लेषक ढुंगानासँग गरिएको कुराकानीको थप अंक भिडियोमा हेर्नुहोस्ः
