- सुदर्शन श्रेष्ठ/अर्थ सरोकार सुदूरपश्चिम ब्युरो
धनगढी । धनगढीको माया मेट्रो हस्पिटलको भित्तामा अनौठो पम्प्लेट भेटिएको छ । धनगढीको मोहोना अत्तरिया ६ लेन सडकमा रहेको माया मेट्रो हस्पिटलको भित्तामा ५ दिनमा कोरोना निको पार्ने ग्यारेन्टिसहित पम्प्लेट टाँसिएको हो ।
हस्पिटलको भित्तामा टाँसिएको उक्त पम्प्लेटमा रबी चन्द्र बोहोरा नाम गरेको एक व्यक्तिले आफुसँग कोरोना लागेको व्यक्तिलाई ५ दिनमै नेगेटभ गराउने औषधी थाहा भएको उल्लेख गरेका छन् । उक्त पम्प्लेटमा लेखिएको छ, मैले ५ दिनमा नेगेटिभ गर्ने औषधी बताउँछु, बिरामी आई.सि.यु मा जानुभन्दा पहिले सम्पर्क गर्नुहोला । यस विषयमा अस्पतालका सम्बन्धित व्यक्ति डा. मोहन साउँदलाई सम्पर्क गर्दा आफुलाई उक्त विषयमा कुनैपनि जानकारी नभएको बताए ।
पम्प्लेटमा लेखिएको विषयमा बुझ्न हामीले उक्त फोन नम्बरमा सम्पर्क गर्दा आफुलाई कोरोनाको भाइरसलाई निर्मुल पार्ने औषधि थाहा भएको बताए । उनले भने, ‘मलाई फोन गरियो भने म घरमै तयार पार्ने जडिबुटीका बारेमा जानकारी दिन्छु, जसले कोरोना लागेको व्यक्ति पुर्ण रुपमा निको हुन्छ ।’ त्यस्तै उनले थपे, ‘म सँग सुझाव लिएको कुनैपनि शूल्क तिर्नुपर्दैन ।’
