• अर्थ सरोकार सम्बाददाता 

काठमाडौँ । सिभिल बैंकको एटिएम सेवा तीन दिनका लागि बन्द हुने भएको छ । बैंकले सूचना जारी गर्दै एटिएम स्विच अपग्रेड गर्न लागेकोले ३ दिन एटिएम सेवा बन्द हुने जनाएको हो । १६ गते साँझ ५:०० बजेदेखि १८ गते बिहान ५:०० बजेसम्म एटिएम सेवा र पीओएस सेवा पूर्ण रुपले बन्द हुने जनाएको हो ।

यस्तै सो मितिपश्चात एटिएम टर्मिनलहरु पनि क्रमबद्ध रुपमा माइग्रेसन गर्नुपर्ने भएकोले १८ गतेदेखि आषाढ मसान्तसम्म एटिएम टर्मिनलहरु अवरुद्ध हुनसक्ने बैंकले उल्लेख गरेको छ । सो अवधिमा यस बैंकको एटिएम कार्ड हिमालयन बैंक लिमिटेडको एटिएम टर्मिनलहरुबाट निर्वाध रुपमा निःशुल्क प्रयोग गर्न सकिने बैंकले जनाएको छ । 

साथै बैंकको कार्डलेस क्यास सुविधा पनि अर्को सूचना जारी नभएसम्मका लागि स्थगित गरिएको बैंकले जनाएको छ । थप जानकारीका लागि बैंकको ग्राहक सहायता केन्द्र (कल सेन्टर) नं ९८४०००३८६४, ९८४०००४७९१ मा सम्पर्क गर्न बैंकले आग्रह गरेको छ।