- अर्थ सरोकार सम्बाददाता
काठमाडौं । कुमारी इक्विटी फन्डको सेयर बजारमा लगानी बढेको छ । जेठ मसान्तसम्ममा उक्त फन्डको सूचिकृत कम्पानीहरुको सेयरमा लगानी ३८.०६% ले बढेर ५६ करोड २१ लाख ३३ हजार ७४६ रुपैयाँ पुगेको हो । वैशाख महिनामा फन्डको सूचीकृत कम्पनीको सेयरमा ४० करोड ७१ लाख ४७ हजार ८२६ रुपैयाँ लगानी थियो ।
फन्डको प्रतिइकाई खुद सम्पति मूल्य (न्याभ) ४२ पैसाले बढेर १० रुपैयाँ ७६ पैसा पुगेको छ भने बैंक मौज्दात ११ करोड ९९ लाख ३५ हजार रुपैयाँले घटेर ३० करोड ६५ लाख ६४ हजार रुपैयाँमा सिमित भएको छ ।
यसअवधिमा फन्डले २८ वटा सूचीकृत कम्पनीको सेयरमा लगानी गरेको छ । सबैभन्दा धेरै लक्ष्मी लघुवित्तको सेयरमा ५ करोड ७९ लाख १३ हजार रुपैयाँ लगानी गरेको छ ।
