काठमाडौं । अनलाइन भुक्तानी प्रणाली इसेवाबाट एक दिनमा तीन पटकभन्दा बढी पैसा पठाउँदा अतिरिक्त सेवा शुल्क तिर्नुपर्ने भएको छ । साउन १७ गतेदेखि लागू हुने गरी इसेवाले यस्तो नियम ल्याएको हो ।

तीन पटकसम्म पैसा पठाउँदा अतिरिक्त शुल्क लाग्दैन भने तीन पटक भन्दा बढी पैसा पठाउँदा १० रुपैयाँ अतिरिक्त शुल्क लाग्ने इसेवाले जनाएको छ ।

त्यस्तैगरी, एक सय भन्दा कमका सेन्ड मनी कारोबार नि:शुल्क रहेका छन् । यी बाहेक सबै सेन्ड मनी कारोबारमा प्रति कारोबार १० रुपैयाँ अतिरिक्त शुल्क लाग्ने इसेवाले जारी गरेको सुचनामा उल्लेख छ ।

इसेवा अनलाइन माध्यमबाट रकम लेनदेनका लागि प्रयोगकर्ताहरुमाझ लोकप्रिय छ ।