काठमाडौँ । यो साताको कारोबारको अन्तिम दिन (बिहीबार) नेप्से परिसूचकले ३००० बिन्दु नाघेको छ ।

निरन्तर उकालो गतिमा रहेको नेप्से बिहीबार ३०००.८१ बिन्दुमा पुगेको हो । यो पछिल्लो तीन वर्ष यताकै उच्च बिन्दु हो ।

यसअघि नेप्से परिसूचक २०७८ साल भदौ १५ गते ३०४७.२६ बिन्दुमा पुगेको थियो । त्यसयता भने नेप्से निरन्तर ओरालो गतिमा लागेको थियो ।

आर्थिक वर्ष २०८१ ८२ को मौद्रिक नीतिमा लचिलो व्यवस्था भएसँगै र नेपाली काँग्रेस र एमालेबीच गठबन्धन भएर नयाँ सरकार बनेसँगै उकालो गतिमा हिँडेको सेयर बजार आज ३००० बिन्दु नाघेको छ ।

बिहीबार सेयर बजारमा कारोबार रकमले पनि रेकर्ड ब्रेक गरेको छ । आज नेप्सेमा हालसम्मकै सर्वाधिक २९ अर्ब ९५ करोडमाथिको सेयर कारोबार भएको छ ।