काठमाडौँ । वैदेशिक रोजगारीका लागि रोमानिया पठाइदिने भन्दै रकम ठगी गर्ने एक जनालाई प्रहरीले पक्राउ गरेको छ । पक्राउ पर्नेमा ललितपुर जिल्ला महालक्ष्मी नगरपालिका वडा नं. ५ घर भएका ३९ वर्षीय मनिल कुमार लामा रहेका छन् ।
उनले बेरोजगार युवा युवतीलाई आकर्षक तलबको प्रलोभनमा पारेर रोमानिया पठाउने भन्दै ४ लाख ६० हजार रुपैयाँ ठगी गरेका थिए । लामालाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले पक्राउ गरेको हो ।
हाल उनलाई पक्राउ गरी थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
