काठमाडौँ । वैदेशिक रोजगारीका लागि कोरिया पठाउने भन्दै रकम ठगी गर्ने एक जना पक्राउ परेका छन् । पक्राउ पर्नेमा सोलुखुम्बु जिल्ला पासाङल्हामु गाउँपालिका वडा नं. १ घर भई हाल काठमाडौँ जिल्ला टोखा नगरपालिका वडा नं ६ बस्ने ५२ वर्षीय गिता बहादुर मगर रहेका छन् ।
उनले बेरोजगार युवा युवतीलाई आकर्षक तलबको प्रलोभनमा पारेर कोरिया पठाउने भन्दै ठगी गरेका थिए । प्रहरीका अनुसार उनले चार जनाबाट ९ लाख रुपैयाँ ठगी गरेका थिए ।
पीडितहरुले दिएको जाहेरीका आधारमा प्रहरीले उनलाई काठमाडौँ महानगरपालिका वडा नं. १२ बाट पक्राउ गरेको थियो ।
हाल उनलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाइएको छ ।
